გაკვეთილის გეგმა

გაკვეთილის გეგმა

მასწავლებლის სახელი, გვარი:თეა ურუშაძე

პირადი ნომერი:

საგანი: მათემატიკა

სწავლების საფეხური/კლასი: საფეხური მეორე, კლასი მეშვიდე

მოსწავლეთა რაოდენობა: 28

გაკვეთილის თემა:ერთწევრი და მრავალწევრი

გაკვეთილის მიზანი:

მათ. VII.7. მოსწავლეს შეუძლია ალგებრული გამოსახულების გამარტივება და წრფივი განტოლების ამოხსნა.

შედეგი თვალსაჩინოა, თუ მოსწავლე:

·      იყენებს მოქმედებათა თვისებებს, მათ თანმიმდევრობას და დაჯგუფებას ალგებრული (არაუმეტეს ორი ცვლადის შემცველი წრფივი ან მეორე ხარისხის) გამოსახულების გასამარტივებლად და მისი მნიშვნელობის გამოსათვლელად ცვლადების მოცემული მნიშვნელობებისათვის;

·      ალგებრული გარდაქმნებისა და ლოგიკური მსჯელობის გამოყენებით ასაბუთებს ან უარყოფს ორი ალგებრული (არაუმეტეს ორი ცვლადის შემცველი წრფივი ან მეორე ხარისხის) გამოსახულების იგივურ ტოლობას.

გაკვეთილის თემისა და მიზნის შესაბამისობა ეროვნული სასწავლო გეგმის მოთხოვნებთან: 

თემატურად ეს გაკვეთილი ზუსტად ემთხვევა კალენდარს,კლასმა გაიარა ცვლადიანი გამოსახულება,ახერხებს ცვლადიანი გამოსახულების მნიშვნელობის გამოთვლას,გაიარა რაციონალური და მთელი რიცხვები და განრიგებადობის თვისება,რის შემდეგაც უწევს ეს გაკვეთილი.მიზანი სრულად შეესაბამება მისაღწევ შედეგს.

N	აქტივობის მიზანი და აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები (დაასახელეთ შინაარსობრივი რესურსების მიზანშეწონილება სასწავლო მიზნებთან მიმართებით)	დრო (წთ)
1	საორგანიზაციო საკითხების მოგვარება.ვესალმები,ვაკეთებ აღრიცხვას,ვაცნობ გაკვეთილის მიზანს,რომელსაც თვალსაჩინოდ გამოვაკრავ,	ვერბალური ახსნა	მთელი კლასი	გაკვეთილის მიზანი,შეფასების რუბრიკა	3წთ
2	აქტივობიო მიზანია გავიგო რამდენად აქიან მზად დღევანდელი გაკვეთილისთვის.გაიგეს თუ არა წინა დღის მასალა.საშინაო დავალების გამოკითხვა.საშინაო დავალების გამოკითხვას მოვახდენ ჩხირების საშუალებით.მოსწავლე,რომელიც ამოვა ჩხირის საშუალებით,შემთხვევითობის პრინციპით მოახდენს საშინაო დავალების პრეზენტაციას,რის საფუძველზეც დანარჩენო მოსწავლეები შეძლებენ შეამოწმონ რამდენად სწორად გაიგეს საშინაო დავალება,შევამოწმებ წინარე ცოდნას	კითხვა-პასუხი	მთელ კლასი	სტიკერები,შეფასების ფურცლები,გამოსაძახებელი ჩხირები,	5წთ
3	წინარე ცოდნის შემოწმება.აქტივობიო მიზანია გავიგო რამდენად არიან მზად დღევანდელი გაკვეთილისთვის.გაიგეს მასწავლებელი ეუბნება მოსწავლეებს რომ ახალი მასალის ასახსნელად საჭირო წინარე ცოდნის შემოწმების და მათი მზაობის შემოწმების მიზნით უპასუხონ შემდეგ კითხვებს: 1)რა არის რიცხვის კვადრატი? 2)რა არის რიცხვითი გამოსახულება? 3)რა არის ცვლადიანი გამოსახულება? 4)როგორ ჩამოყალიბდება განრიგებადობის თვისება? 5)როგორ გამოვთვალო უცნობის მნიშვნელობა ცვლადის კონკრეტული მნიშნელობისათვის?	გონებრივი იერიში	მთელ კლასი	დაფა,ცარცი	5 წთ
4	მოსწავლეებს ვეკითხები მანიპულაციურ კითხვას:თქვენი აზრით რა განსხვავებაა 2x+3y და 5x გამოსახულებებს შორის?პასუხებიდან გამომდინარე მივიყვან ერთწევრის განმარტებამდე.მოვიყვან ცხოვრებისეულ მაგალითებს.ვსვამ მეორე შეკითხვას:რომელი ჯობია 2 გამრავლებული 3x ჩანაწერი,თუ 6x?პასუხებიდან გამომდინარე მივიყვან სტანდარტულ ერთწევრამდე და კოეფიციენტის ცნებამდე.შემდეგი კითხვა:როგორ ჩამოაყალიბებდნენ განსხვავებას 2x+3y და 2x+3x გამოსახულებებს შორის?მსგავსი წევრების არსის გაგებისთანავე შემოვიტან განრიგებადობის თვისების ცნებას იმ შემთხვევისთვის,როცა რიცხვითი შემთხვევისგან განსხვავებით უცნობი ჩანაცვლდება.მივიღებ მსგავსი წევრების შეკრებას.ავხსნი და დავაზუსტებ მრავაწევრს ხარისხს და ასევე მრავალწევრების შეკრება გამოკლებას.წარვადგენ ახალ მასალას	ვერბალური ახსნა	მთელი კლასი	დაფა,ცარცი
5	ერთწევრის მრავალწევრზე გამრავლების ცნების უკეთ გასააზრებლად ვთხოვ იმუშაონ წყვილში და გამოჭრან ჩემ მიერ ჩამორიგებული ფერადი ფურცლებიდან ერთი მართკუთხედი ზომებით 3სმ და 4სმ  და ერთიც კვადრატი ზომით 4სმ.დააწებონ თეთრ თაბახზე ისე,რომ მიიღონ ერთი დიდი მართკუთხედი,ამის შემდეგ მომენტალურად იქმნება ჯგუფები და ერთად პასუხობენ კითხვებს და აკეთებენ დასკვნას წარმოიდგინონ რომ 3=x და  4=y.უპასუხონ კითხვებს: 1)რას უდრიდა კვადრატის ფართობი? 2)რას უდრიდა მართკუთხედის ფართობი? 3)რას უდრის ახალი მართკუთხედის ზომები?სიგრძე და სიგანე 4)რას უდრის ამ მართკუთხედის ფართობი? 5)შეადარეთ ეს ფართობი შემადგენელი ფიგურის ფართობთა ჯამს? 6)რა თვისებას გაგონებთ? ჩაწერენ რას შეიძლება უდრიდეს ახალი მართკუთხედის ზომები და ფართობი.შეადარონ ეს ფართობები თავდაპირველი მართკუთხედის ზომებს.შედეგად ერთწევრის და მრავალწევრის ნამრავლს დაუკავშირებენ განრიგებადობის თვისებას.	დამოუკიდებელი მუშაობა	წყვილები	ფერადი ფურცლები,მაკრატლები,წებო,
6	ამ აქტივობის მიზანი არის პრაქტიკული სავარჯიშოების კეთება,სავარჯიშოები განრიგებადობის თვისების და მრავალწევრის მრავალწევრზე გამრავლების შესახებ მოსწავლეებს დაურიგდებათ ფერად ფურცლებზე მოთავსებული თითო სავარჯიშო და კონკრეტული ნიმუშისა და მიღებული შედეგის გათვალისწინებით წერენ პრაქტიკული სავარჯიშოებიდან რომელიმეს.მოცემული იქნება სამი სხვადასხვა დავალება და ისინი აირჩევენ ერთ მათგანს,საკუთარი მზაობის გათვალისწინებით. ეს დავალებები იქნება ფერების მიხედვით დაბალი, საშუალო და მაღალი. 1)რას უდრის 2x+5x3+7x2  მრავალწევრის ხარისხი? 2)რას უდრის 5x+7x? 3)იპოვეთ 7(3x+10x) 4)შეკრიბეთ (5x+11x)+(8x-10y) 5)გამოაკელით (9x+15y)-(13x-25y) სანამ ფურცლები დაურიგდებათ მოვახდენ თითო მაგალითის დემონსტრირებას მსგავს მაგალითებზე. როდესაც სამუშაოს დაასრულებენ ჩხირების საშუალებით ამოვირჩევთ იმ ხუთ მოსწავლეს,რომლებიც კლასს აჩვენებს სწორ ვარიანტს.მაგრამ ეს ხუთი მოსწავლე უნდა იყოს განსხვავებული ფერის ამოცანებით.თუ რომელიმე ფერი არავინ არ აირჩია,მაშინ მინიშნებებით მთელი კლასიდან წამოსული აზრებიდან გამომდინარე მივიყვან დასკვნამდე.	დამოუკიდებელი მუშაობა	მთელი კლასი	ფერდი ფურცლები,დაფა ცარცი
7	შეჯამების და შემოწმების მიზნით ვნახავთ ხანის აკადემიის მიერ მომზადებულ ვიდეოებს ამ თემაზე.ვიდეო შეწყდება დავალებასთან და მოწავლეები შეასრულებენ ამ დავალებას.შემდეგ ნახავენ გაგრძელებას და ახსნას.შეფასების მიზნით ვინიშნავ იმ მოსწავლეებს ვინც დავალებას სწორად გაართვა თავი.	კითხვა პასუხი	მთელი კლასი	კომპიუტერი,პროექტორი
8	საშინაო დავალების მიცემა.დავალება მიეცემათ ანალოგიური სავარჯიშოები სახელმძღვანელოდან.მასალის განმტკიცების მიზნით		ინდივიდუალური	სახელმძღვანელო
9	შეფასება.შეფასება მოხდება შეფასების ფურცლების საშუალებით.უპირატესობა მიენიჭება განმავითარებელ შეფასებას.თითოეულ მერხზე იქნება სახელი და გვარიანი ფურცლები და სტიკერები,მოსწავლე მისი სახელის და გვარის გასწვრივ დააკრავს ყოველი მიღწევის შესაბამის სტიკერს.ეს დამეხმარება შეფასებაში.პარალელურად ანალოგიური სტიკერები მაქვს მე თვითონაც და ვინიშნავ მოსწავლეთა აქტურობას.ბოლოს ვის გრაფაშიც აღმოჩნდება გრაფების რაოდენობასთან მიახლოებული სტიკერები შეფასდება.	შეფასების ცხრილები,თვითშეფასების ფურცლები	ინდივიდუალური განმავითარებელი,ჯგუფის განმსაზღვრელი	შეფასების ფურცლები,სტიკერები,ცხრილები ინდივიდუალური შეფასებისათვის და თვითშეფასებისათვის

გაკვეთილის მისაღწევი შედეგები: გაკვეთილის ბოლოს მოსწავლე შეძლებს გამოსახულების გამარტივებას, ერთმანეთისაგან გაარჩეევს ერთწევრსა და მრავალწევრს, შეძლებს ერთწევრის გამრავლებას მრავალწევრზე და თვალსაჩინო ილუსტრაციის საშუალებით გაიაზრებს მათ იგივურ ტოლობას. გამოიცნობს მრავალწევრის ხარისხს,შ ეძლებს მრავალწევრებზე მარტივი მოქმედებების ჩატარებას

შეფასება:

(მოსწავლის შეფასების კრიტერიუმები და/ან რუბრიკები თან უნდა ერთვოდეს გეგმას)

ინდივიდუალური შეფასების ცხრილი

სახელი,გვარი	საშინაო დავალების კარგად შესრულება	წინარე ცოდნის შემოწმების დროს აქტიურობა	ჯგუფის დასკვნაში განსაკუთრებული მონაწილეობა	ვიდეო შეკითხვაში სწორი მიმართულებით წასვლა	არჩეული მაგალითის სწორი პასუხი	სტიკერების რაოდენობა

ინდივიდუალური თვითშეფასების ფურცელი

სახელი,გვარი	საშინაო დავალების კარგად შესრულება	წინარე ცოდნის შემოწმების დროს აქტიურობა	ჯგუფის დასკვნაში განსაკუთრებული მონაწილეობა	ვიდეო შეკითხვაში სწორი მიმართულებით წასვლა	არჩეული მაგალითის სწორი პასუხი	სტიკერების რაოდენობა

ჯგუფის შეფასების ცხრილი

#	ჯგუფის წევრებმა სწორად გამოჭრა გეომეტრიული ფიგურები და დააწება,მოცემული კითხვებიდან უპასუხა ვერ უპასუხა ვერცერთ კითხვას 1-2 ქულა	ჯგუფის წევრებმა სწორად გამოჭრა გეომეტრიული ფიგურები და დააწება,მოცემული კითხვებიდან უპასუხა მხოლოდ 1  ან 2 კითხვას  3-4 ქულა	ჯგუფის წევრებმა სწორად გამოჭრა გეომეტრიული ფიგურები და დააწება,მოცემული კითხვებიდან უპასუხა მხოლოდ 3 ან 4 კითხვას 5-6 ქულა	ჯგუფის წევრებმა სწორად გამოჭრა გეომეტრიული ფიგურები და დააწება,მოცემული კითხვებიდან უპასუხა  5ივე კითხვას,მაგრამ ვერ გააკეთა დასკვნა 7-8 ქულა	ჯგუფის წევრებმა სწორად გამოჭრა გეომეტრიული ფიგურები და დააწება,მოცემული კითხვებიდან უპასუხა  5ივე კითხვას და გააკეთა დასკვნა 9 ქულა	ჯგუფის წევრებმა სწორად გამოჭრა გეომეტრიული ფიგურები და დააწება,მოცემული კითხვებიდან უპასუხა ხუთივე კითხვას,გააკეთა დასკვნა და პრეზენტატორმა გააკეთა დამაჯერებელი და არგუმენტირებული პრეზენტაცია  10 ქულა
1
2
3
4
5
6

  

ხელმოწერა:

თარიღი: